003【物理性防曬】與【化學性防曬】邊種防曬最啱你？
// 陽光猛烈嘅夏天，要防止曬傷，我哋可以採用［物理性防曬］或［化學性防曬］//
［物理性防曬］只會停留喺皮膚表面，形成保護牆，好似鏡咁將紫外線A同B彈走，無任何化學轉化，所以皮膚出現敏感機會比較低。
［化學性防曬］需要透過化學轉化過程，分別吸收、中和紫外線去防曬，相對容易造成敏感。
?防曬嘅塗搽[分量]同防曬產品嘅[覆蓋面]會直接影響防曬程度，搽唔夠會做成downgrade情況。例如：原本防曬係數係SPF50度嘅防曬，份量減半後則會跌到少於SPF10度，大大降低咗原有嘅防曬功效。
?搽防曬嘅標準分量，每一個cm²要搽到2mg，覆蓋厚度0.1cm，大約牙膏直徑的粗幼，長度約3-4cm。一般於辦公室返工時，SPF15至30度防曬系數已經足夠，長時間處於室內環境，可以不用補搽。戶外活動如行山或者游水就基本要有50度，由於防曬會被水及汗水冲走，所以最好兩至三小時補一次最好。
