2020年1月7日

【皮膚知多啲】OL返工最大嘅挑戰就係室内乾燥問題，每個月都要買大量補濕產品，諗起都好「肉赤」呀！美肌教主Grace誠意推介3個$0成本補水大法，擊退乾燥之餘，又幫大家省錢！

Office成日開冷氣，搞到皮膚又乾燥又崩緊，就嚟要裂開喇！當然可以開住空氣加濕器，但每日都開就好晒電啫，有無啲唔使用電又簡單嘅「$0成本」加濕方法呀？

【為乾燥Office瞬間補水大法】

  1. 噴霧快捷加濕法

最方便快捷嘅方法，可以對住窗簾、植物或者直接喺個位附近噴噴霧，輕鬆提高房間濕度！但千萬唔好直接噴落塊面度，啲濕氣只會令到塊面越來越乾燥！

  1. 植物負離子加濕法

觀葉植物有大大塊葉，葉面會發放出負離子，有效在空氣加濕同淨化空氣作用。

  1. 濕毛巾環保加濕法

最自然環保又節儉嘅方法係將濕毛巾晾喺工作空間，毛巾內嘅水份會慢慢地散發至空氣中，濕布接觸空氣面積越大，加濕效果越明顯！