【美肌教主Q&A】

敷面膜原來都要講時機？

敷面膜同飲湯嘅道理一樣，人人都知飲湯有益，但幾時飲，飲邊款湯水對當時嘅身體最有益，你哋又知唔知？純粹敷「保濕面膜」，感覺好像水潤咗，但好快又會乾返。皮膚就咁就會浪費咗一個keep up配額。長期咁做嘅話，輕則皮膚瑕疵不退，重則加速皮膚老化。

從皮膚生理角度了解護膚

  1. 皮膚屬厭水性，親油性；
  2. 表皮中嘅角質層（健康的死皮），要呈現整齊嘅「水潤三角」保護網狀紋，先可以達到皮膚水油平衡分泌功能；
  3. 表皮中嘅基底層（生發層），健康嘅狀態唔會有滲漏現象。

首先在皮膚營養金字塔的基礎第一層和第二層，我哋要做好保護，唔好襲擊（即磨砂、過度清洗、不當護膚等），重建皮膚屏障「水潤三角」保護網狀紋。敷面膜就喺皮膚營養金字塔第三層，幫助皮膚將面膜中嘅針對性配方分子抓緊，成效當然要視乎個別嘅皮膚，因應其質素和需要選擇面膜，從而令皮膚質素更進步。

動手做一個方便快捷嘅過夜面膜

想做一個簡單又方便快捷嘅過夜面膜？好簡單，Grace提議選擇使用含『黏多醣』、『輔酵素Q10』或『神經醯胺』成份的面霜，取出體積約兩個五元嘅面霜，再加入10滴甘松香精油，兩者混合後就成為一個可以過夜嘅面膜。